Në prag të fillimit të vitit të ri shkollor, polica e Tiranës ka hartuar një plan masash. Sipas njoftimit nga Drejtoria e Policisë në kryeqytet masa do të merren sa i përket qarkullimit rrugor ku zakonisht krijohet trafik. Ky plan synon garantimin e rendit dhe qetesise publike.
Prefekti Sadi Vorpsi është takuar me institucionet arsimore për mbarëvajtjen e vitit shkollor 2015- 2016.
“Kërkoj nga policia e shtetit të mobilizohet për shmangien e trafikut. Nga drejtorët e shkollave, gjimnazeve kërkoj shmangien e zënkave të adoleshentëve. Problematikë mungesa e ujit dhe energjisë, janë kushtet minimale që duhen garantuar. Apel komunitetit të prindërve, të bashkëpunojnë me institucionet arsimore”, tha Vorpsi.
Ndërsa drejtoresha e Drejtorisë Arsimore të Tiranës, Arjola Byzyka kërkoj ndihmën e policisë, pasi për shkak të rikonstruksioneve, shkollat do të bashkohen me njëra-tjetrën.
“Kemi një betejë për shkak të rikonstruksionit të mjediseve që standardet të jenë si ato që kërkon BE. Prandaj vëmendja e OSHEE dhe Ujësjellësit duhet maksimale”, është shprehur znj. Byzyka. Viti i ri shkollor starton këtë të hënë, më 14 shtator.
