TIRANË, 22 Shtator/ATSH-Arbi Fortuzi/-. Policia e Tiranës njofton të gjithë drejtuesit e automjeteve se cilat janë rrugët e bllokuara në kuadër të aktivitetit “Dita Ndërkombëtare pa Makina” që oranizohet gjatë ditës së sotme nga Bashkia e kryeqytetit.
Komisariati Rajonal i Policisë Rrugore njofton të gjithë qytetarët, institucionet shtetërore, subjektet private që kanë në pronësi /përdorim mjete rrugore se në datën 22 shtator qarkullimi i automjeteve përreth Sheshit Skendërbej do të ketë kufizime sipas planit të lëvizjes nga nga ora 6:00-22:00 në disa akse rrugore.
Kështu, ndalohet qarkullimi i mjeteve në Sheshin Skënderbej.
Ndërsa qarkullimi i automjeteve të emergjencës dhe Policisë do të bëhet si vijon:
-Në kryqëzimi i rrugës “Ded Gjo Luli” me bulevardin “Zog i I”, drejtim i detyruar djathtas; Rruga “Ded Gjo Luli”, me një sens lëvizjeje me drejtim nga bulevardi “Zog i I” deri në rrugën e “Durrësit”. Në kryqëzimi e rrugës “Ded Gjo Luli” me rrugën “Durrësit”, drejtim i detyruar drejt djathtas.; Në kryqëzimi e rrugës “Durrësit” me rrugën “Ded Gjo Luli”, drejtim i detyruar djathtas.
Në kryqëzimin e rrugës së Kavajës me rrugën “Dëshmorët e 4 Shkurtit”, drejtim i detyruar djathtas. Në kryqëzimi i rrugës “Luigj Gurakuqi” me rrugën “George Ë Bush”, drejtim i detyruar djathtas. Ura që lidh bulevardin “Dëshmorët e Kombit” me bulevardin “Bajram Curri” dhe “Zhan D’Ark”, lëvizja e mjeteve nga sheshi Nënë Tereza – Ura e madhe do të jetë me drejtim majtas. Në kryqëzimi i rrugës “Myslym Shyri” me rrugën “Ibrahim Rugova”, drejtim i detyruar djathtas. Mjetet e transportit publik me drejtim sheshin Skënderbej nga rruga e Dibrës do të devijohen në rrugën Urani Pano.
Mjetet e transportit publik me drejtim sheshin Skënderbej nga rruga e Kavajës dhe Durrësit do të devijohen në rrugën Ibrahim Rugova.
Komisariatit Rajonal i Policisë Rrugore kërkon bashkëpunimin dhe mirëkuptimin në zbatimin e kësaj urdhërese.
Burimi: ata.gov.al
